SÁLFRÆÐILEG PRÓFUN

​

Sálfræðileg athugun byggist á víðtækum upplýsingum frá skjólstæðingi sjálfum, aðstandendum, kennurum (þegar á við) og öðrum sem þekkja vel skjólstæðing. Upplýsingar sem notast er við koma úr viðtölum, viðurkenndum matslistum og fl. Lögð eru fyrir stöðluðuð  taugaþroska-, náms,  og sálfræðipróf eftir því sem við á hverju sinni ásamt ásamt hálfstöðluðum greiningarviðtölum. Sjá frekari upplýsingar um matstæki.

 

Sálfræðipróf eru stöðluð sem þýðir að fyrirlögn sálfræðilegra prófa er alltaf eins háttað, fyrir alla (m.t.t. aldurs). Lögð eru fyrir mörg en stutt verkefni sem reyna á ólíka færni. Prófandi veitir einstaklings fyrirmæli og útskýringar á hverju verkefni. Ekki er hægt að undirbúa sig sérstaklega fyrir athugun en gott að huga að nætursvefni og reynist hressing ávallt hjálpleg. Leyfilegt er að taka með sér ,,spari nesti" þ.e. einhverja góða hressingu í prófun. Fyrirlögn fer yfirleitt fram í einni lotu með stuttri pásu 5-15 mín). Stundum getur reynst nauðsynlegt að skipta upp fyrirlögn í tvær lotur.

​

Að lokinni sálfræðiathugun tekur sálfræðingurinn saman niðurstöður úr ofangreindum matstækjum ásamt uppplýsingum sem komu fram í viðtölum í sálfræðiskýrslu. Niðurstöðum úr greiningarferlinu er skilað í viðtalstíma þar sem farið er ítarlega yfir útkomu sálfræðiathugunar. Sálfræðingur getur mætt með uppalendum á skólafundi við skil á niðurstöðum. Loks er skjólstæðingi vísað á tauga- eða geðlækni sé talin þörf fyrir.

​

​

ATHUGUN Á BARNI

​

Börn koma í fylgd með foreldri en eru prófuð einslega inni hjá sálfræðingi. Ef um er að ræða mjög ung börn eða börn sem alls ekki vilja vera ein, þá getur  foreldri verið viðstatt fyrirlögn.

Fyrirlögn tekur 1,5 til 2 klst, svo vinsamlega mætið tímanlega.

Hjálplegt er að útskýra fyrir barninu að í næsta tíma mun sálfræðingurinn leggja fyrir verkefni og þrautir sem flestum þykja skemmtileg. Sparinesti reynist hjálplegt til þess að skapa jákvæðar aðstæður í prófun og sjálfsagt að barnið hljóti einhvers konar umbun að lokinni prófun. 

Gott er að forðast að nota orðið ,,próf" eða ,,prófun" og tala um ,,verkefni".

​

​

UNGMENNI & FULLORÐNIR

​

Fyrirlögn fer fram í viðtalsherbergi sálfræðings og tekur allt að 2 klst. Mikilvægt er að mæta tímanlega svo hægt sé að ljúka við prófun í einni lotu. Hægt er að lesa meira um prófin hér hér á síðunni en miðast þau við að kanna styrkleika og veikleika fólks. Sum verkefnin reynast því auðveld en önnur meira krefjandi en er það mjög einstaklingsbundið. Mikilvægast er að að gera sitt besta og er alltaf hægt að spyrja prófanda ef eitthvað er óljóst.