Sálfræðileg athugun
Prófun hjá sálfræðingi
Sálfræðileg athugun byggist meðal annars á fyrirlögn á stöðluðum og viðurkenndum prófum. Fyrirlögn er því alltaf eins fyrir próftaka og byggist á mörgum en stuttum verkefnum. Prófun fer fram einslega í næði og gefin eru einstaklingsfyrirmæli og útskýringar á úrlausnum verkefna.
Gott er að taka fram að ekki er hægt að undirbúa sig sérstaklega áður en komið er í athugun hjá sálfræðingi en góður nætursvefn og næring er ávallt hjálplegt. Leyfilegt er að taka með sér hressingu.
Niðurstöður athugunar eru veittar í viðtalstímum í kjölfar athugunar.
Athugun á barni
Börn koma í fylgd með foreldri en eru prófuð einslega inni hjá sálfræðingi. Ef um er að ræða mjög ung börn eða börn sem alls ekki vilja vera ein, þá er leyfilegt að foreldra sitji inni í fyrirlögn fyrir aftan barnið.
Fyrirlögn tekur um 1.5 til 2 klst. Vinsamlega mætið tímanlega.
Hjálplegt er að útskýra fyrir barninu að í næsta tíma mun sálfræðingurinn leggja fyrir verkefni og þrautir sem flestum þykja skemmtileg. Verið sé að skoða styrkleika og veikleika barnsins sem við öll búum yfir.
Ungmenni og fullorðnir
Fyrirlögn fer fram í viðtalsherbergi sálfræðings og tekur allt að 2 klst. Mikilvægt er að mæta tímanlega svo unnt sé að ljúka við prófun. Hægt er að lesa meira um prófin sem lögð eru fyrir í fræðslunni hér á síðunni en leitast er við að meta styrkleika og veikleika fólks. Sum verkefnin verða því auðveld en önnur reyna meira á.
