Börn, ungmenni & fjölskyldur
UmsOFFÍU
Starfsreynsla
Soffía Elín hefur rekið Sentiu Sálfræðistofu allt frá árinu 2011 og þjónustan verið í upphafi sniðin að börnum, ungmennum og fjölskyldum. Mikið samstarf er við reynda meðferðaraðila, barna/geðlækna og stofnanir. Sentia hefur í dag aðsetur hjá Lækninga- og Sálfræðistofunni en á stofunni starfa með henni reyndir sálfræðingar og geðlæknar.
Soffía Elín starfaði áður sem skólasálfræðingur í Ástralíu í tveimur grunnskólum í Sydney þar sem samfélagsaðstæður voru mjög krefjandi og vandkvæði því oft flókin. Starfaði hún jafnframt á sálfræðiklíník í Sydney við greiningar á frávikum í þroska og hegðun barna og unglinga. Meðal handleiðara voru Tim Hannan klínínskur taugasálfræðingur, fyrrv. form. APS og Dr. Patsy Tremayne íþróttasálfræðingur og prófessor.
Soffía Elín hefur einnig góða reynslu af velferðargeiranum á Íslandi. Starfaði hún í hátt þrjú ár sem sálfræðingur Barnaverndar Reykjavíkur og kom þar að fjölbreyttum verkefnum sem snéru að meðferðar- og greiningarvinnu barna og unglinga ásamt handleiðslu við kyn- og fósturforeldra. Vann hún mest með fósturteymi barnaverndar þar sem hún fylgdi börnum vel eftir sem voru fóstruð. Hefur hún einnig starfað sem skólasálfræðingur á Þjónustumiðstöð Breiðholts sem og í Garðabæ.
Soffía Elín hefur sótt fjölda námskeiða, fyrirlestra og ráðstefna sem snúa að þroska, hegðun og líðan barna og unglinga ásamt meðferðarúrræðum fyrir börn, unglinga og fullorðna. Leggur hún ríka áherslu á sífellda endurmenntun ásamt því að sækja reglulega handleiðslu hjá reynslumiklum sálfræðingum og geðlæknum.
Soffía Elín hefur hefur um árabil haldið fyrirlestra fyrir foreldra barna, unglinga og fullorðna um ýmis málefni sem varða ákveðniþjálfun, sjálfsmynd, félagsfælni, kvíða og frávik í taugaþroska svo eitthvað sé nefnt. Fyrirlestrarnir eru einnig haldnir fyrir starfsfólk leik/skóla og aðrar stofnanir. Hægt er að óska eftir fyrirlestri með því að hafa beint samband við Soffíu Elínu með tölvupósti soffiaelin@sentia.is
Sérhæfing
Soffía Elín er sérhæfð í sálfræðiþjónustu fyrir börn og ungmenni þá bæði hvað varðar meðferð og greiningu á frávikum í þroska, hegðun og líðan hjá börnum, unglingum og fullorðnum.
Soffía Elín vinnur mikið með sjálfsstyrkingu og sjálfsmynd, ákveðni- og félagsfærniþjálfun, forsjár- og umgengnismál, stuðningsúrræði fyrir fósturbörn o.fl.
Hefur hún réttindi á að framkvæma sálfræðiathuganir og greiningar, forsjárhæfnimat á foreldrum, talsmaður í málefnum barna og unglina, matsmaður í dómsmálum o.fl.
Menntun
Útskrifaðist hún með Mastersgráðu í skóla- og þroskasálfræði í janúar 2008 við Western Sydney University (WSU) Ástralíu og bachelorgráðu í sálfræði frá Háskóla Íslands árið 2003. Lauk hún stúdentsprófi frá Verzlunarskóla Íslands af hagfræði- og tungumálabraut.
Rannsóknir
Áhugi hefur beinst að taugaþroska barna og unglinga. Rannsóknir í Bachelor- og Mastersnámi hafa snúið að notkun orðaminnisprófs sem metur taugaþroska fullorðinna (RAVLT) og barna (CAVLT).
Mastersrannsókn: ,,The Effects of Self-regulation on Working Memory in Adolescents with consideration of gender difference (2008)."
Bachelorrannsókn: ,,Áreiðanleiki Rey orðaminnisprófsins: Endurprófunaráreiðanleiki á upprunalegri útgáfu og áreiðanleiki milli hliðstæðrar útgáfu og þeirrar upprunalegu."
Meðferðarnálgun
Dialectical Behaviour Therapy (DBT)
Eye Movement Desensitization and Reprocessing (EMDR)
